اسلام آباد۔30مارچ(اے پی پی)وزیراعظم محمد شہباز شریف آکھیے جو پاکستان روس نال مختلف شعبیاں ڄیویں توانائی، تجارت و سرمایہ کاری اچ تعاون ودھاوݨ چاہندے۔ او اسلام آباد اچ رشین فیڈریشن دے سفیر البرٹ پی خوریف نال ملݨ ویلھے الیندے پئے ہن۔ شہباز شریف پچھلے ہفتے ماسکو اچ تھیوݨ آلے حملے تے افسوس کیتے اتے وزیراعظم دا منصب سنٻھالݨ تے مبارکی ݙیوݨ تے روسی ??در ولادیمیر پیوٹن دا شکریہ ادا کیتے۔ وزیراعظم بین الحکومتی کمیشن دا 9 واں اجلاس تیکھے سݙݨ تے زور ݙیندے آکھیے جو روس ݙوہاں ملکاں وچال تجارت و سرمایہ کاری تعلقات ودھاوݨ کیتے اپݨے وفد پاکستان ٻھیڄے۔ انہاں روسی ??در کوں وی دورہ پاکستان دی دعو?? ݙتی۔ روسی ??فیر پاکستان نال چنڳے تعلقات ٹورݨ دا عزم دوہریندے آکھیے جو روس پاکستان نال مختلف شعبیاں توانائی، تجارت و سرمایہ کاری سودھا تعلیم اتے ثقافت اچ وی ہتھ ونݙاوݨ چاہندے۔
