مینھ دا 9 واں سلسلہ کل توں شروع تھیسی ، ترجمان پی ڈی ایم اے
لاہور۔28اگست (اے پی پی) ترجمان پی ڈی ایم اے آکھیے جو 29 اگ??ت توں 2 ستمبر تئیں پنجاب دے ٻہوں سارے ضلعیں اچ زور دا طوفانی مینھ وسݨ دی پیشگوئی اے۔ راولپنڈی، مری گلیات، اٹک، چکوال، جہلم، گوجرانولہ، لاہور، گجرات اتے سیالکوٹ اچ ??ینھ دی توقع اے۔ ترجمان پی ڈی ایم اے موجب ڈیرہ غازی خان، ملتان اتے راجن پور اچ ??ی مینھ وسݨ دا امکان اے۔ ریلیف کمشنر پنجاب نبیل جاوید ولوں صوبے دے کمشنرز اتے ڈپٹی کمشنرز کوں الرٹ رہݨ دیاں ہدایات جاری کر ݙتیاں ڳئن جݙاں جو وزیراعلیٰ پنجاب دی ہدایت موجب ضلعی انتظامیہ کوں الرٹ جاری کر ݙتا ڳئے۔ ساوݨ مینھ نال پنجاب دے دریاواں اتے انہاں نال جُڑئے ندی نالیں اچ زور دی چھل اے ، دریائے چناب راوی اتے ستلج اچ ??ہوں اُچے درجے دی چھل اے جݙاں جو وݙے شہراں اچ ساوݨ مینھ پاروں ندی نالے بپھر سڳدن۔ انہاں ہدایت کیتی جو سارے ڈپٹی کمشنر اتے ݙوجھے افسران فیلڈ اچ ??وجود رہن، ایں توں انڄ محکمہ صحت آبپاشی تعمیر و مواصلات لوکل گورنمنٹ اتے لایئو سٹاک کوں الرٹ جاری کر ݙتا ڳئے۔ شہریاں توں درخواست اے جو خراب موسم دی صورتحال اچ احتیاط ورتن ۔انہاں ہدایت کیتی جو دریاواں دے پاسے کٹھے تھیوݨ اتے سی?? نہ کرن اتے طوفان دی صورتحال اچ ??حفوظ علاقیں اچ رہن غیر ضروری سفر نہ پرہیز کرن اتے ایمرجنسی صورتحال اچ ??ی ڈی ایم اے ہیلپ لائن 1129 تے رابطہ کرن۔
