اسلام آباد۔20ستمبر (اے پی پی):پاکستان اچ ہولناک سیلاب دے متاثرین کیتے ٻاہرلے ملک توں امدادی پروازاں دی آمد دا سلسلہ جاری اے ، ہݨ تئیں مختلف ملکاں توں 115 پروازاں متاثرین کیتے امدادی سامان گھن تے پاکستان پڄ ڳئن ۔ منگل کوں دفتر خارجہ توں جاری اعداد و شمارموجب سیلاب زدگان کیتے متحدہ عرب امارات توں ہݨ تئیں مجموعی طور تے 41، ترکیہ توں 13، چین توں 4، ازبکستان توں ھک ، قطر توں چار، فرانس توں ھک ، یونیسیف دی ترائے، اقوام متحدہ دے پناہ گزیناں دے ادارہ ( یو این ایچ سی آر) دی متحدہ عرب امارات توں چلائی ونڄݨ آلیاں 13 پروازاں، ترکمانستان دی ھک ، اردن دی ھک ، عالمی ادارہ خوراک دی ترائے، امریکہ دی 21، برطانیہ دی ھک ، نیپال دی ھک، اومان دی 5 اتے سعودی عرب دیاں ݙو پروازاں امدادی سامان گھن تے پاکستان پڄن ۔ امدادی پروازاں دے علاوہ ترکیہ توں ݙو ٹرکاں تے ݙو ریل گاݙیاں ، تاجکستان توں 87 ٹرکاں تے اومان توں ھک شپ دے ذریعے وی امدادی سامان پاکستان پج چکے ۔
