اسلام آباد۔25اگست(اے پی پی)وزیراعظم محمد شہباز شریف بینظیر انکم سپورٹ پروگرام (بی آئی ایس پی) دے تحت ڈیجیٹل و??لٹس دے قیام کوں اہم پیشرفت قرار ݙیندے آکھیے جو ملکی اکانومی کوں کیش لیس اکانومی بݨاوݨ کیتے اقدامات تھیندے پئن، کیش لیس معیشت نال کرپشن اتے استحصال مکسی۔ اے ڳالھ انہاں بی آئی ایس پی دے تحت مستحقین کیتے ہک کروڑ ڈیجیٹل و??لٹس دے قیام اتے مفت موبائل سمز ݙیوݨ دی اجرا دی تقریب نال خطاب کریندے آکھی۔ ایں موقع تے وفاقی وزراء، اراکین اسمبلی، بین الاقوامی شراکت دار اتے متعلقہ حکام دی وݙی تعداد موجود ہئی۔ وزیراعظم محمد شہباز شریف آکھیا جو بی آئی ایس پی اچ نویکلا پن شہید بے نظیر بھٹو د?? وژن دی عکاسی کریندے، بی آئی ایس پی ملک توں غربت اتے بیروزگاری مکاوݨ اچ اہم کردار ادا کریندا پئے۔ انہاں بی آئی ایس پی کوں کامیاب پروگرام بݨاوݨ اچ سینیٹر روبینہ خالد اتے سیکرٹری بی آئی ایس پی دے کردار دی تعریف کریندے آکھیا جو ڈیجیٹل و??لٹس دے قیام اتے مفت موبائل سمز ݙیوݨ کیتے متعلقہ بینکاں، نادرا، آئی ٹی حکام اتے بین الاقوامی شراکت داراں جیڑھیاں کوششاں کیتن تعریف دے لائق ہن۔ وزیراعظم آکھیا جو ایں پروگرام دے اجرا نال شفاف طریقہ کار دے ذریعے گھٹ توں گھٹ ویلھے اتے قطاراں اچ کھڑݨ دی زحمت گھنݨ دے بغیر مستحقین کوں گھر بیٹھے رقم دی ادائیگی ممکن تھی سڳسی، بی آئی ایس پی صحیح معنیاں اچ غربت اتے بیروزگاری مکاوݨ اچ اہم کردار ادا کر سڳدے۔ انہاں ݙسایا جو گزری رمضان المبارک اچ پہلی واری بی آئی ایس پی دے مستحقین اچ رقماں دی ڈیجیٹل منتقلی کیتی ڳئی، کیش لیس معیشت دے حوالے نال ہر مہینے ݙو واری آپو اجلاس دی صدارت کر تے اقدامات دا جائزہ گھندا پیاں، کیش لیس معیشت اڄ دے دور دی اہم لوڑ اے اتے اے کرپشن اتے استحصال مکاوݨ اچ معاون اے۔ وزیراعظم ہدایت کیتی جو بی آئی ایس پی دے مستحقین کیتے تعلیم اتے صحت بارے اقدامات کوں 4 مہینیاں اچ مکمل کیتا ونڄے، بالاں دی لازمی تعلیم اتے حفاظتی ٹیکے بی آئی ایس پی دے مستحقین کیتے لازمی شرط قرار ݙتی ون٘ڄے۔ ایں توں پہلے وزیراعظم ایں پروگرام دا کمپیوٹرائزڈ افتتاح کیتا۔ چیئرپرسن بی آئی ایس پی سینیٹر روبینہ خالد آکھیا جو اے پروگرام کیش لیس معیشت دو اہم قدم اتے شہ??د محترمہ بے نظیر بھٹو د?? وژن دی عکاسی کریندا اے، ایں پروگرام دا مقصد تریمتیں کوں بااختیار بݨا تے قومی ترقی دی دروک اچ رلاوݨ اے، ڈیجیٹل و??لٹس دے قیام نال اے پروگرام ہک نویں دور اچ داخل تھیندا پئے۔ ایں موقع تے سیکرٹری بی آئی ایس پی عامر احمد علی وی تقریب نال خطاب کیتے۔
