بھاہ تے پاݨی دا کھیݙ ہݨ مزید نی چل سڳدا ، دہشت گرداں اتے انہاں دے سہولت کاراں کوں منڈھوں خاتمہ کریسوں ،وزیراعظم  شہباز شریف دی وفاقی کابینہ دے اجلاس ڳالھ مہاڑ

اسلام آباد۔9اکتوبر(اے پی پی) وزی??اع??م محمد شہبازشریف دہشت گرداں اتے انہاں دے سہولت ک??راں دے مکمل خاتمے دے عزم دا اعادہ کریندے آکھیے جو شہداء پاکستان دی عزت و وقار اتے اساݙے متّھے دا جھومر ہن، “دوست نما دشمن دہشت گرداں کوں تحفظ ݙیندے پئن”، “خوارج ہمسائے ملک توں آتے دہشت گردی کریندن، بھاہ تے پاݨی دا کِھیݙ ہݨ مزید نی چَل سڳدا، پکے فیصلے کرݨ دا ویلھا آ ڳئے۔ “مسئلہ فلسطین پاکستان دی خارجہ پالیسی دا بنیادی ستون اے، آزاد فلسطینی ریاست دا قیام پہلے ݙینھ توں ہی اساݙا موقف اے، 77 سال توں پاکستان دے موقف اچ کوئی تبدیلی نی آئی۔ چین پاکستان دا ٻہوں پراݨا، قدر آلا اعتبار آلا اتے ہر اوکھے ویلھے اچ ساتھ ݙیوݨ آلا دوست ملک اے، ایں دے تعاون کوں کݙاہیں نیہ بھلا سڳدے۔ پاکستان اتے سعودی عرب دے تعلقات صدیاں تے محیط ہن۔ دورہ ملائیشیا دے دوران پرتپاک استقبال ݙوہیں ملکاں دی تکڑی دوستی دی علامت ہئی۔ اڄوکے مہینے ترسیلات زر گزریل سال دی نسبت 11.3 فیصد ودھ ڳئن، بلوم برگ پاکستان کوں ترکیہ دے بعد ݙوجھی اُبھردی ہوئی معیشت قرار ݙتے۔ کشمیری بھیݨ بھرا اساݙے سِراں دا تاج ہن، انہاں دے حقیقی مسئلے پہلے وی حل کیت?? ہن اڳوں وی کریسوں۔ اے ڳالھ انہاں اتھاں وفاقی کابینہ دے اجلاس اچ آکھی اے۔وزی??اع??م آکھیا جو کل انہاں راولپنڈی اچ سپہ سالار فیلڈ مارشل سید عاصم منیر، افواج پاکستان دے اعلیٰ افسراں اتے جواناں دے نال لیفٹیننٹ کرنل جنید طارق اتے میجر طیب دی نماز جنازہ ادا کیتی، ضلع اورکزئی اچ انہاں دے نال پاک فوج دے 9 ٻئے جوان وی شہید تھئے، شہید لیفٹیننٹ کرنل جنید طارق بہادری اتے شجاعت دی نویں تاریخ رقم کیتی، فتنہ الخوارج دے 19 دہشت گرداں کوں جہنم واصل کیتا، ایں دے بعد خود وی اتے انہاں دے باقی 10 ساتھیاں وی جام شہادت نوش کیتا۔ وزی??اع??م آکھیا جو خمیس دی سویل ہک ٻئے شہید میجر سبطین حیدر دی نماز جنازہ اچ وی شرکت کیتی، پاک فوج دے ایں عظیم جوان فتنہ الخوارج دا مقابلہ کریندے جام شہادت نوش کیتا، اساں انہاں دے والدین اتے بھیݨ بھراواں نال ملاقات کیتی، انہاں دا جذبہ تعریف دے لائق ہئی۔ انہاں آکھیا جو اساݙے پُتّر ملک کیتے جان دا نذرانہ پیش کیتے اتے جام شہادت نوش کیتے، اساں اللہ تعالیٰ دا شکر ادا کریندوں ایں قربانی تے اساکوں ٻہوں ماݨ اے۔وزی??اع??م آکھیا جو دہشت گردی دے واقعات ہر ݙینھ تھیندے پئن اتے ٻہوں قیمتی جاناں قربان تھیندیاں پئن، شہداء آپݨے نِکے ٻالاں کوں یتیم کرتے ہزاراں لکھاں نکے ٻالاں کوں یتیم تھیوݨ توں بچاوݨ کیتے اے عظیم قربانیاں ݙیندے پئن۔ وزیر اعظم آکھیا جو ہمسائے ملک توں خوارج اتھاں آ تے دہشت گردی کریندن، دوست نما دشمن دہشت گرداں کوں تحفظ ݙیندے پئن، جیں ملک انہاں کوں عزت ݙتی، پناہ ݙتی اوں نال دشمنی کریندے پئن، اساݙے شہداء آپݨے خون نال لکیر چھک ݙتی اے، ایں کوں کوئی مِٹا نی سڳدا۔ وزی??اع??م آکھیا جو دہشت گردی دا ہر صورت اچ مکمل خاتمہ کرݨا اے، وفاقی حکومت، صوبائی حکومتاں، پارلیمنٹ، سرکاری افسران، افواج پاکستان اتے سپہ سالار ملک دی ترقی کیتے ݙینھ رات محنت ک??یندے پئن، جے ایں دہشت گردی دا مکمل خاتمہ نہ کیتا اتے ایں دا سِر نہ کُچلیا تاں خدا نہ خواستہ اے محنت ضائع تھی ویسی، بس ہݨ ٻہوں تھی ڳئے۔وزی??اع??م آکھیا جو ویلھا آڳئے ہݨ مزید انتظار نی کر سڳدے، کراچی توں گھن تے پشاور تئیں پوری قوم ہک مٹھ اے، ہک پاسے اساں معاشی میدان اچ اڳوں ودھݨ کیتے ݙینھ رات کوششاں کریندے پیوں ، سفارتی میدان اچ کامیابیاں حاصل کریندے پیوں ، ہندوستان دے خلاف معرکے اچ اللہ تعالیٰ اساں کوں عظیم فتح عطا فرمائی، افواج پاکستان دی ہمت، بہادری اتے قوم دیاں دعاواں نال اے فتح ملی اتے ݙوجھے پاسے ملک کوں نقصان پڄاوݨ کیتے دہشت گردی تھیندی پئی اے، بھاہ تے پاݨی دا کھیݙ ہݨ مزید نی چل سڳدا ، ویلھا آ ڳئے جو اساں کوں پکے فیصلے کرݨے ہوسن۔وزی??اع??م آکھیا جو شہداء پاکستان دی عزت و وقار اتے اساݙے متھے دا جھومر ہن، انہاں دیاں قربانیاں کوں ہمیشہ یاد رکھیا ویسی، او سہولت ک??ر جیڑھے دہشت گرداں کوں سہولت ݙیندن، انہاں کوں ٹھکاݨے ݙیندن او ایں جُرم اچ انہاں دے نال برابر دے شریک ہن، سپہ سالار فیلڈ مارشل سید عاصم منیر دا عزم ٻہوں اُچا اتے سوچ ٻہوں پکی اے، 24 کروڑ عوام پوری طرح ہک مٹھ  اے جو انہاں خوارج دا ہمیشہ کیتے خاتمہ کیتا ونڄے۔وزی??اع??م آکھیا جو اساں اقوام متحدہ د?? جنرل اسمبلی دے اجلاس اچ شرکت کیتی، فلسطین اتے غزہ دے معاملے تے پاکستان دے 24 کروڑ عوام اتے افواج پاکستان، پارلیمنٹ سارے سیاسی جماعتاں دا ہکو موقف اے جو غزہ اچ وقت?? جنگ بندی تھیوے اتے فلسطین دے عوام کوں انہاں دا حق ارادیت مِلݨا چاہیدے، ایں موقف تے 77 سال توں پاکستان دے موقف اچ کݙاہیں تبدیلی نی آئی بھاویں کوئی وی حکومت رہی ہووے، ایہو ہی اساݙا موقف اے اتے اِیہو ہی موقف گھن تے اساں اڳوں ودھے، آزاد فلسطینی ریاست دا قیام پہلے ݙینھ توں ہی اساݙا موقف اے، پاکستان دا واضح موقف اے جو غزہ اچ وقت?? جنگ بندی اتے نسل کشی بند تھیوے۔وزی??اع??م آکھیا جو نیویارک اچ صدر ٹرمپ آپݨی زیر صدارت ہک اجلاس سݙوایا، اٹھ ملکاں تے مشتمل عرب اسلامی سربراہ اجلاس اچ شرکت کیتی، پاکستان کوں وی اللہ تعالیٰ عزت بخشی اتے پاکستان وی ایں اچ شریک ہئی، 57 اسلامی ملکاں توں اٹھ ملکاں کوں ایں اجلاس کیتے چُݨیا ڳیا، اے اوں محنت اتے کوششاں دا نتیجہ اے جو تساں معیشت کوں چنڳا بݨاوݨ، قرضیں توں نجات حاصل کرݨ، ملک دی ترقی اتے خوشحالی کیتے کریندے پئن۔ وزی??اع??م آکھیا جو افواج پاکستان ہندوستان کوں شکست ݙتی اے، ایں نال دنیا اچ پاکستان دی عزت اتے وقار اچ ودھارا تھئے جو ایں توں پہلے کݙاہیں نہیں ݙٹھا ڳیا، ایں تے پاکستان دے 24 کروڑ عوام، افواج پاکستان، سپہ سالار فیلڈ مارشل سید عاصم منیر اتے پوری کابینہ کوں مبارخ ہووے۔انہاں آکھیا جو صدر ٹرمپ نال ملاقات اچ پاک بھارت جنگ بندی اچ انہاں دے کردار دی تعریف کیتی اتے انہاں دا شکریہ ادا کیتا جو انہاں دے کردار کوں تاریخ ہمیشہ یاد رکھیسی، غزہ اچ جنگ بندی کیتے وی صدر ٹرمپ توں کردار ادا کرݨ کوں آکھیا، صدر ٹرمپ آکھیا جو انہاں اسرائیل کوں خبردار کر ݙتے اتے آکھیے جو مغربی کنارہ کݙاہیں اسرائیل دا حصہ نہ بݨسی، ٻہوں واضح انداز اچ انہاں ایں بارے ݙسا ݙتا۔ وزی??اع??م آکھیا جو حماس اتے اسرائیل وچال مصر اچ مذاکرات تھیندے پئن، انہاں دا باقاعدہ اعلان تھی ڳئے، ہݨ ایں دے بعد امن دے پاسے قدم ودھسن، پاکستان غزہ اچ جنگ بندی کیتے آپݨا بھرپور کردار ادا کیتے، ایں تے نائب وزی??اع??م و وزیر خارجہ اتے انہاں دی ٹیم دیاں کوششاں تعریف دے لائق ہن، پاکستان ہݨ او ملک اے جیں کوں دنیا اچ ٻہوں اہمیت ݙتی ویندی اے۔وزی??اع??م آکھیا جو واشنگٹن اچ صدر ٹرمپ دے نال ٻہوں تعمیری اتے مفید ملاقات تھئی، ملاقات اچ سپہ سالار فیلڈ مارشل سید عاصم منیر، امریکی نائب صدر اتے امریکہ دے وزیر خارجہ وی موجود ہن، صدر ٹرمپ نال ملاقات اچ ݙو پاسے تعلقات، تجارت، معیشت اتے انسداد دہشت گردی دے معاملیں تے ڳالھ تھئی۔ وزی??اع??م آکھیا جو غزہ دے حوالے نال اسلامی ملکاں دے مشترکہ بیانات آچُکن، اساں اسرائیل دی نسل کشی دی پالیسی اتے مسجد اقصی دی بے حرمتی دی شدید مذمت کیتی اے اتے آکھیے جو اقوام متحدہ دیاں قرارداداں موجب ہک آزاد فلسطینی ریاست قائم تھیوݨی چاہیدی اے، اے پاکستان دی خارجہ پالیسی دا بنیادی ستون اے۔وزی??اع??م آکھیا جو چین پاکستان دا ٻہوں پراݨا، قدر  آلا اعتبار آلا اتے ہر اوکھے ویلھے اچ ساتھ ݙیوݨ آلا دوست ملک اے، جتھاں صدر ٹرمپ دا شکریہ ادا کریندوں جو انہاں جنگ بندی اچ اہم کردار ادا کیتا اُتھاں چین پاکستان دا ٻہوں بااعتماد دوست اے ایں دے تعاون کوں پاکستان کݙاہیں نی بھلا سڳدا۔ وزی??اع??م آکھیا جو انہاں سعودی عرب دا تاریخی دورہ کیتا، پاکستان اتے سعودی عرب دے تعلقات صدیاں تے محیط ہن، ݙوہیں ملکاں وچال جیڑھا معاہدہ تھئے ایں اچ ݙو پاسے برادرانہ تعلقات کوں باضابطہ شکل ݙتی ڳئی اے جیں اچ اے آکھیا ڳئے جو ݙوہیں ملکاں اچوں ہک تے حملہ ݙوجھے تے حملہ سمجھیا ویسی، پوری قوم ایں معاہدے دی تعریف کیتی ، سعودی عرب نال طے تھیوݨ آلا معاہدہ اساݙے برادرانہ تعلقات کوں ظاہر کریندے ۔ آزاد جموں و کشمیر اچ اعلیٰ سطحی حکومتی مذاکراتی کمیٹی دیاں کوششاں کوں خراج تحسین پیش کریندے ہوئیں وزی??اع??م آکھیا جو آزاد کشمیر اچ حکومتی مذاکراتی کمیٹی وݙا کلیدی کردار ادا کیتے، کشمیری بھیݨ بھرا اساݙے سِراں دا تاج ہن، انہاں دی ترقی اتے خوشحالی اساݙی ذمہ واری اے، ایں کیتے مذاکراتی کمیٹی جیڑھا کم کیتے ایں تے انہاں دا شکر گزار ہاں، کشمیری عوام دے حقیقی مسئلے پہلے وی حل کیتے ڳئن اتے ٻہوں وقتی ایں حوالے نال مزید بہتری گھن آسوں۔وزی??اع??م آکھیا جو دورہ ملائیشیا دے دوران پرتپاک استقبال ݙوہیں ملکاں دی مضبوط دوستی دی علامت ہئی، ملائیشیا دی حکومت اتے وزی??اع??م پاکستان کوں جیڑھی محبت اتے عزت ݙتی اے او تعریف دے لائق اے، ملائیشیا دے وزی??اع??م خود استقبال کیتے موجود ہن، انہاں محبتاں دے پھُل نچھاور کیتے، انہاں دے نال ٻہوں مفید ملاقات تھئی، انہاں پاکستان توں 200 ملین ڈالر دا گوشت درآمد کرݨ دا وی اعلان کیتا، ایئرپورٹ تے خود رخصت ک??ݨ وی آئے، اے عزت صرف میݙی نی بلکہ 24 کروڑ عوام اتے پاکستان دی عزت اے، ایں عزت کوں مزید ودھاوݨ کیتے اساں کوں مزید محنت، امانت اتے دیانت نال کم کرݨا ہوسی، ایں طرح دے عمل نال اساں آپݨی منزل کوں وقتی گھن ڳھنسوں۔ وزی??اع??م آکھیا جو بلوم برگ اڄوکی رپورٹ اچ پاکستان کوں ترکیہ دے بعد ݙوجھی اُبھردی ہوئی معیشت قرار ݙتے، اے سارے متعلقہ وزراء، افسراں اتے معاشی ٹیم دی مکمل عزم نال انتھک کوششاں دا اعتراف اتے محنت دا ثمر اے۔ وزی??اع??م آکھیا جو اڄوکے مہینے ترسیلات زر 3.2 ارب ڈالر رہیاں  جیڑھی گزریل سال دی نسبت 11.3 فیصد ودھ ہن۔ وفاقی کابینہ دے اجلاس اچ شہداء دے درجات دی بلندی کیتے دعا وی کیتی ڳئی