اسلام آباد۔4 اکتوبر(اے پی پی) نائب وزیراعظم تے وزیر خارجہ محمد اسحاق ڈار مصری وزیر خارجہ ڈاکٹر بدر عبدلطیٰ نال ٹیلی فون تے ڳالھ مہاڑ کیتی تے ݙوطرفہ تعلقات دے اہم امور تے علاقائی پیشرفت بالخصوص غزہ دی سنگین صورت تے ڳالھ مہاڑ دکیتی ۔ دفتر خارجہ توں جاری بیان موجب ݙوہیں وزراء ݙوطرفہ تعلقات دے اہم امور تے علاقائی پیشرفت خصوصاً غزہ دی سنگین صورت حال تے ڳالھ مہاڑ کیتی ۔ انہاں نیویارک وچ عرب تے اسلامی ملکاں وچال تھیوݨ آلی مشاورت سودھے جاری سفارتی کوششاں تے ڳالھ مہاڑ کیتی جیندا مقصد وقتی تے پائیدار جنگ بندی، بلا روک ٹوک انسانی امداد کوں یقینی بݨاوݨ تے غزہ وچ پائیدار امن کیتے اجتماعی اقدامات کوں اڳوں ودھاوݨ اے۔ نائب وزیراعظم انہاں کوششاں کیتے پاکستان دی حمایت دا اعادہ کیتا تے پاکستان دی طرفوں اڄوکی پیشرفت دا خیرمقدم کرݨ دا ذکر کیتا جیندے وچ مجوزہ امن منصوبے تے حماس دا ردعمل وی شامل اے جیندے کنوں خونریزی مکاوݨ دی امید پیدا تھئی اے۔ نائب وزیراعظم مصری وزیر خارجہ کوں مستقبل نیڑے وچ پاکستان دے دورے دی دعوت وی ݙتی جیہڑی انہاں قبول کر ڳھدی۔ فریقین غزہ وچ منصفانہ تے دیرتئیں امن وچ مدد سانڳے کوششاں وچ مصروف تے منسلک رہݨ تے اتفاق کیتا۔
