بیجنگ۔4ستمبر(اے پی پی)وزیراعظم محمد شہباز شریف چین دا سرکاری دورہ مکمل کرݨ دے بعد وطن واپس روانہ تھی ڳئن۔ بیجنگ دے کیپیٹل انٹرنیشنل ایئرپورٹ تے پیپلز پولیٹیکل کنسلٹیٹو کانفرنس دی بیجنگ میونسپل کمیٹی دی رکن ہین زیرونگ، چین اچ تعینات پاکستان دے سفیر خلیل ہاشمی اتے سفارتی عملے وزیراعظم کوں الوداع آکھیا۔ وزیراعظم آ??س دے میڈیا ونگ توں جاری بیان موجب آپݨے دورہ چین اچ وزیراعظم تیانجن اچ شنگھائی تعاون تنظیم دے سربراہان مملکت دے 25ویں اجلاس اتے شنگھائی تعاون تنظیم پلس اجلاس اچ شرکت کیتی۔ وزیراعظم فاشزم دے خلاف عالمی جنگ دی 80 ویں سالگرہ دیاں تقریبات اچ وی شریک تھئے۔ وزیراعظم محمد شہباز شری?? آپݨے دورے اچ چین دے صدر اتے وزیراعظم سودھا روس، ایران، ترکیہ، آذربائیجان اتے تاجکستان دے صدور نال ݙو طرفہ ملاقاتاں کیتن جنہاں اچ آپسی دلچسپی دے معاملیاں اتے علاقائی تعاون تے ڳالھ تھئی۔ وزیراعظم بیجنگ اچ تھیوݨ آلی ݙوجھی پاک-چین بزنس ٹو بزنس کانفرنس اچ وی شرکت کیتی جتھاں ݙوہاں مل??اں دے کاروباری و سرمایہ کار حلقیاں دے نال تجارتی تعلقات دے ودھارے تے ڳالھ مہار کیتی ڳئی۔
